ភ្នំពេញ៖ នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត បានលើកឡើងថា រដ្ឋាភិបាលមិនអាចទុកឲ្យពលរដ្ឋស្លាប់ដោយការមិនចូលចិត្តទុកដាក់នោះទេ។

ថ្លែងនៅក្នុងពិធីបិទសន្និបាតក្រសួងសង្គមកិច្ចនៅព្រឹកថ្ងៃអង្គារ៍ ទី៦ ខែកុម្ភៈ ឆ្នាំ២០២៤ សម្ដេចធិបតី ហ៊ុន ម៉ាណែត បានលើកឧទាហរណ៍អំពីប្រព័ន្ធជំនួយសង្គមជាពិសេសនៅក្នុងអំឡុងពេលនៃជំងឺកូវីដ-១៩ និងគ្រោះមហន្តរាយផ្សេងៗដែលបានជួយទៅដល់ពលរដ្ឋរងគ្រោះបានជាច្រើននិងរក្សានូវស្ថេរភាពសង្គម។ សម្ដេចបន្ថែមថាការងារក្នុងការជួយទៅដល់ពលរដ្ឋរងគ្រោះទាំងនេះគឺនឹងនៅតែបន្តរហូតដើម្បីធានាថាមិនមានពលរដ្ឋណាត្រូវបានមើលរំលងនោះទេ។

ជាមួយគ្នានេះសម្ដេចបានលើកទឹកចិត្តនូវវប្បធម៌ចែករំលែក ការជួយគ្នារបស់ប្រជាជនក្នុងសង្គមខ្មែរផងដែរ៕